Terms & Conditions | Pawen Lawen Yap Land

Telerau ac Amodau Parc Cŵn

Croeso i Barc Cŵn Pawen Lawen, lle mae perchnogaeth cŵn cyfrifol yn cwrdd â chyffro cŵn.

Cyn cychwyn ar eich antur yn Pawen Lawen, cymerwch eiliad i ymgyfarwyddo â'n Telerau ac Amodau.

1. Gwybodaeth Archebu

1.1 Rhaid i bob archeb gael ei wneud drwy ein gwefan: pawenlawen.co.uk. Dangosir cost y gwasanaeth pan fyddwch yn archebu. Unwaith y byddwch wedi archebu, byddwch yn derbyn e-bost gyda chod y giât, copi o'r Telerau ac Amodau hyn ac unrhyw wybodaeth bwysig arall. Peidiwch â rhannu cod y giât ag eraill, mae hwn i’ch defnydd chi yn unig.
1.2 Os byddwch yn cyrraedd yn hwyr, ni ellir ymestyn yr archeb gan fod y parc cŵn yn cael ei logi bob awr am 50 munud. Bydd y rhai sy'n cyrraedd yn hwyr yn cael eu cyfyngu i'w hamseroedd archebu.
1.3 Polisi Canslo – ni allwn ad-dalu archebion a ganslwyd gan fod gennym gostau taliadau ac efallai na chaiff y slot ei lenwi ar fyr rybudd. Fodd bynnag, gallwch addasu eich archeb os byddwch yn anfon e-bost atom gydag o leiaf 48 awr o rybudd. Yna gallwn anfon cod archebu newydd atoch i'w ddefnyddio o fewn y mis.
1.4 Nid yw archebion yn drosglwyddadwy. Rhaid i'r sawl sy'n archebu fod yn bresennol a rhaid iddynt sicrhau fod unrhyw un arall sy'n mynychu yn gyfarwydd â’r Telerau ac Amodau hyn, ac yn cadw atynt.

3. Defnyddio'r parc cŵn

3.1 Dim mwy na 6 ci i bob oedolyn (18+ oed). Rhaid i nifer y cŵn a ganiateir fod yn unol â'ch archeb ac ni ddylai fod yn fwy na'r uchafswm o 8 ci.
3.2 Ni ddylid dod â chŵn sydd wedi dangos unrhyw arwydd o salwch yn ystod y 24 awr ddiwethaf i'r parc. Rydym hefyd yn argymell bod cŵn sy’n defnyddio’r parc wedi cael eu brechu.
3.3 Ar eich ymweliad cyntaf, cymerwch amser i asesu’r parc (cae) i sicrhau ei fod yn addas i chi a'ch ci/cŵn ei ddefnyddio - ffens, cyflwr y tir, y gweithgareddau sydd ar gael, agosrwydd at fywyd gwyllt, anifeiliaid fferm ac ati. Mae ffens 5.5tr o amgylch y paramedr.
3.4 Defnyddiwch y biniau a ddarperir i gael gwared ar eich baw ci, rhaid i chi godi ar ôl eich ci/cŵn. Mae'r biniau hyn ar gyfer baw ci yn unig; gwnewch yn siŵr eich bod yn mynd â'ch holl sbwriel arall adref gyda chi.
3.5 Bydd Pawen Lawen –Yap Land yn archwilio’r cae a’r ffens yn ddyddiol i sicrhau diogelwch ond rhowch wybod i ni os oes gennych unrhyw bryderon.
3.6 Yn ystod tywydd gwlyb bydd y parc yn fwdlyd ac mae'n debygol y bydd angen esgidiau glaw/wellingtons arnoch. Bydd eich ci/cŵn hefyd yn debygol o fynd yn fudr. Mae yna fan cysgodi yn y parc.
3.7 Peidiwch â gadael i'ch ci/cŵn dyllu’n ormodol yn y parc (oni bai eu bod yn y pwll tywod) gan y gall hyn fod yn beryglus i ddefnyddwyr eraill y parc. Rhowch wybod i Pawen Lawen – Yap Land os gwelwch dwll fel y gellir ei lenwi.
3.8 Mae croeso mawr i blant a phobl ifanc o dan 18 oed yn y parc, ond rhaid iddynt gael eu goruchwylio gan oedolyn bob amser. Plîs peidiwch â gadael iddynt gerdded na dringo ar y cerddwr ci.

2. Parcio

2.1 Mae maes parcio (gyda llawr caled) ar gael ar y safle i ddau gar i bob ymweliad. Mae'n rhaid i gwsmeriaid sy'n cyrraedd mewn car barcio yn y mannau priodol yn y maes parcio.
2.2 Os penderfynwyd parcio ar ein safle, yna rydych yn gwneud hynny ar eich risg eich hun. Nid yw Pawen Lawen –Yap Land yn derbyn unrhyw gyfrifoldeb am unrhyw golled/difrod.
2.3 Byddwch yn barchus at bobl eraill sy'n defnyddio'r parc cŵn wrth barcio. Gofynnwn i chi fod yn ymwybodol o slotiau amser eraill ac yn ymwybodol y gall pobl gyrraedd y parc ar droed.
2.4 Mae cyfyngiad cyflymder o 5mya yn ei le cyn gynted ag y byddwch yn cyrraedd y safle/yn y maes parcio i sicrhau diogelwch cŵn a cherddwyr.

4. Cod Moeseg

4.1 Ni chaniateir cadwyni tagu, coleri pigau na dyfeisiau electronig. Ni fydd unrhyw driniaeth lem o gŵn yn cael ei oddef. Byddwch yn ffeind wrth eich ci/cŵn.
4.2 Er mwyn cynnal uniondeb proffesiynol Pawen Lawen – Yap Land, er bod croeso mawr i bawb yn y parc, dim ond trwy drefniant ymlaen llaw y caniateir hyfforddwyr cŵn sy’n gweithio gyda’u cleientiaid gan ofynnir iddynt ddarparu prawf o yswiriant. Os ydych yn hyfforddwr cŵn ac eisiau defnyddio’r parc gyda cleient, cysylltwch â ni ymlaen llaw cyn archebu.

5. Cyrraedd/Gadael y Parc

5.1 Gall aelod o dîm Pawen Lawen – Yap Land fod ar y safle i gwrdd â chi ar eich ymweliad cyntaf – nodwch hynny yn yr adran sylwadau yn ystod y broses archebu. Fel arall, bydd eich ymweliad yn un hunanwasanaeth heb unrhyw staff yn bresennol.
5.2 Sicrhewch eich bod wedi darllen y Telerau ac Amodau hyn cyn cyrraedd. Os ydych wedi archebu’r parc ac yn cyfarfod â ffrindiau/aelodau o’r teulu, sicrhewch eu bod nhw hefyd yn gyfarwydd â’r Telerau ac Amodau.
5.3 Peidiwch â chyrraedd mwy na 5 munud cyn dechrau eich sesiwn os gwelwch yn dda, gall cyrraedd yn gynnar darfu ar y rhai sy'n defnyddio'r parc.
5.4 Cadwch eich ci/cŵn yn y cerbyd neu ar dennyn yn y maes parcio oddi wrth y fynedfa nes bod yr ymwelwyr blaenorol wedi gadael y parc.
5.5 Peidiwch â mynd i mewn i'r parc cŵn cyn eich amser penodol a chadwch eich ci/cŵn ar dennyn nes eich bod yn y parc.
5.6 Gadewch y parc cŵn yn brydlon fel eich bod yn gadael y parc ar ddiwedd eich amser sesiwn 50 munud.
5.7 Os na allwch ddal eich ci/cŵn ar ddiwedd eich sesiwn rhowch wybod i Pawen Lawen – Yap Land cyn gynted â phosibl. Rhaid talu am unrhyw amser sesiwn ychwanegol a ddefnyddir fesul yr awr os archebir y slot canlynol, gan y bydd angen i ni ad-dalu cwsmeriaid eraill am yr amser a gollwyd. Os na chaiff y slot canlynol ei archebu, ni fydd tâl ychwanegol y tro cyntaf ddigwyddith hyn, ond mae'n debygol y bydd taliadau os bydd yn digwydd eto.
5.8 Clowch giât y parc a giât y fynedfa pan fyddwch yn gadael.

6. Ymwadiad

6.1 Yn unol â’r gyfraith sy’n ymwneud â ‘pherchnogaeth cŵn cyfrifol’, rydych chi’n gwbl gyfrifol am ddiogelwch eich ci/cŵn a’r hyn rydych chi’n ei wneud tra yn y parc.
6.2 Rhaid i chi asesu’r parc i sicrhau ei fod yn addas i chi a'ch ci/cŵn; os oes gennych unrhyw bryderon efallai nad yw’r parc, tir, ffensys neu weithgareddau yn addas i chi neu’ch ci/cŵn - peidiwch â defnyddio’r parc. Mae'r parc yn amgylchedd naturiol ac felly'n cyflwyno peryglon a risgiau - nid yw'n wastad ac mae ganddo donnau naturiol.
6.3 Ni all Pawen Lawen –Yap Land fod yn gyfrifol ac ni fydd yn derbyn cyfrifoldeb am unrhyw golled, difrod neu anaf boed i eiddo, person(au) neu gi/cŵn yn y parc. Rydych yn cytuno i ddefnyddio’r parc cŵn (gan gynnwys y maes parcio) ar eich risg eich hun.
6.4 Mae'r parc i ddefnydd preifat. Os ydych yn defnyddio’r parc at unrhyw ddibenion busnes, ni fydd gennym unrhyw atebolrwydd i chi am unrhyw golled o elw, colli busnes neu golli cyfle busnes.
6.5 Er bod y parc wedi'i amgylchynu gan ffens uchel a bod camau wedi'u cymryd i'w ddiogelu a'i fonitro, ni allwn warantu na all pob un ci ddianc ohono, mwy na allwn warantu na fydd unrhyw fywyd-gwyllt yn y parc.
6.6 Pan fyddwch yn archebu eich sesiwn, mae pob archeb yn ddarostyngedig i’r Telerau ac Amodau. Wrth archebu rydych yn cytuno â'r Telerau ac Amodau hyn.

8. Bwliaid XL

8.1. Mae croeso i XL Bullies (a bridiau gwaharddedig eraill) yn Pawen Lawen, ond rhaid iddynt gydymffurfio â PHOB UN deddfwriaeth gyfredol. Rhaid datgan eu bod yn XLB ar y ffurflen archebu hefyd.
8.2. Rhaid i bob XL Bully (a bridiau gwaharddedig eraill) fod gyda thrwydded a'u cadw ar dennyn yn y maes parcio. Rhaid i'w perchnogion gloi'r fynedfa a'r maes parcio y tu ôl iddynt cyn gadael eu ci oddi ar dennyn yn y parc.
8.3 Rhaid i unrhyw archeb/ymweliadau fod i ddefnydd preifat y cartref yn unig, ni fydd unrhyw gymysgedd o gŵn neu bobl y tu allan i'r cartref os ydych yn ymweld â XL Bully (neu unrhyw frid gwaharddedig).

Mae'r canllawiau hyn wedi'u llunio i sicrhau amgylchedd diogel, pleserus a chytûn i bob ymwelydd.

Gwerthfawrogir eich ymlyniad at y telerau hyn, gan wneud pob ymweliad yn brofiad pleserus i bawb.

Rheolau

Gwirio Argaeledd

CaA

Dewch i
gymdeithasu

1. Gwybodaeth Archebu

Dewch i gymdeithasu

Dewch i
gymdeithasu